Pynkhreh ia ka thma bad ka Taiwan, ong U President ka China

U XI Jinping, President ka China, ula bthah ia ki shipai jongu, ba kin khreh ban iakhun noh da ka thma bad mynta, la iathuh ba ki shipai jong ka China, ki don ha syndah jong ka Taiwan.

U Xi, u kren shai ia ki shipai um jong katei ka ri, ba kin pynkhreh ia ki jingmut jing pyrkhat jongki, na ka bynta ban ialeh thma, ong ka khubor jong ka China Central Television (CCTV) bad la iathuh ba U Xi, u kren ia kane ha ka jingleit jngoh ia ka ktem jong ka People’s Liberation Army Navy Marine Corps kaba don ha Chaozhou, Guangdong.

U Xi, khot ruh ia ki shipai um, ba kin don ka jing ia snoh, ha ka trei ka ktah jongki bad ka Hong Kong, Macau bad ka Taiwan, ba kin nang pynkhlain ia la ka jong ka Ri.

Ha ka sngi saitjain ba ladep, ki shipai China, ki la pynlong ia ka jing kilan met, ha kaba ki la pynher ia ki namding, ki tup ki man ha kawei ka dew lynnong, kaba ym shym la iathuh kyrteng.