Sa arngut mynta ka sngi kiba khlad noh, kiew kiba khlad sha ka 70 ngut ha ka Jylla

Shillong: I kong Elmo Kharsati 52 snem ka rta iba shong ba sah ha Mawpyrshong, Jongsha I la leit ban sumar ialade ha Shillong Civil Hospital ha ka 7 tarik Nailur 2020. Hadien ba ladep ban test ia I, la shem ba i la ioh ia u khniang jingpang coronavirus ha ka 25 tarik Nailur 2020. Hapdeng ka jingsumar, i la khlad noh mynta ka step ha ka por kumba 7 baje mynstep. Ia ka daw ka jingiap jong I la iathuh ba I la khlad na ka jingpang Pneumonia bad ka ARDS, COVID 19 bad ka jingpang bampong.

Sa iwei iba khlad noh idei ba la tip kyrteng kum I kong Wanbet Rapsang 63 sn ka rta iba shong ba sah ha Mawlai Nonglum, Shillong. I la shah sumar ha Civil hospital naduh ka 13 tarik Risaw 2020 hadien ba la rah ia I na Supercare Hospital. I la ioh ia une u khñiang jingpang COVID-19 naduh ka 28 tarik Nailur 2020 ha ka por ba I shah sumar ha Supercare Hospital.
I la khlad noh mynta ka step ha ka por kumba 7:30 mynsep. Ia ka daw ka jingiap jong I la iathuh ba kadei na ka Type I Respiratory Failure, Pneumonia with ARDS, Septic Shock bad Hypertension.