U Bah Wanbantei Bremley Lyngdoh, u dei u khun jong U bah Bremley Lyngdoh, uba la dei U General Secretery jong ka Seng APHLC bad u dei uba don bynta ha ka jing ialeh ia ka Jylla Rilum, u kren bynniaw ba ka jinglong jingman jong ka Jylla, haduh ha kine ki sngi, ka dang long hi kumjuh, wat hadien ba ka la jan dap 50 snem ruh.
Ha ka jing iakren bad U Rupang, U bah Bantei, u ong “Mynta pat dang long kumjuh hi, lah jan dap 50 snem, dang shah rule hi, ha kiba nabar, shah control hi ha kiba na Delhi”.
Utei u samla, u pyn kynmaw ruh ia ka jing iakren jong ka iing dorbar ba nyngkong jong ka Jylla, kaba ha ka 25tarik Lber 1971, ha kaba ka jingiakren, ka long kaba don burom, ha kaba wat ka English, kaba ki pyndonkam, ka dei da ka Oxford Style bad ki mat kiba ki iakren, ki long ban iada ia ki khlaw ki btap, ban peit ia ka khyndew ka shyiap, ban peit ia u pud u sam hapdeng ka Jylla bad ka Bangladesh bad ka Assam ruh kumjuh.
Hynrei utei u samla, u ong shuh shuh “Mynta te kam kai suda, kren ruh ym nang, assembly ruh ioh thiah, sngap ruh ym sngap hap ban dang process ia ka English” bad u ong shuh shuh “Look at those guys who started the state, real statesmen”.
U Bah Bantei, u ong shuh shuh ba ha ka por ialeh hill state, ki volunteer, ki la dep smai, ban iaid beit shakhmat, wat lada dei ba iap ruh bad u ong shuh shuh “Ki nongialam kiba mynshwa, ki long different breed, different class. Kine mynta ngi hap hikai shwa, tang ka history lajong ruh ym tip”.
La pyn kynmaw shuh U bah Bremley, ba ha katei ka por ialeh hill state, ki don kiba shong ba sah ha Shillong, kiba dawa ia ka sorkar India, ba kan pynioh ia ka jylla rit ia ka Shillong lane ka Union Territorry. “Te i mama bring i ong, yn myntoi aiu ban ioh ia ka hill state haba u klongsnam jongngi um don”.
Halor katei ka jing dawa, U Bah Brington Buhai Lyngdoh, u kynmaw ia ka jingrwai ba la thaw da U bah Bremley, shaphang ka nongbah Shillong, kaba la thaw ha ka ktien Khasi bad kumta, ula phah pynkylla ia katei ka jingrwai sha ka ktien phareng bad hangta ki ia thaw sur bad rwai choir bad ka dei lyngba katei ka jingrwai, ba ki leit pyn sngap ia ka Indira Gandhi, ha kaba ka jingmut jong ka jingrwai, ka long ba khlem ka Shillong, kam don jingmut satia ban ioh ia ka hill state bad la iathuh ba ka dei lyngba ka bor jong katei ka jingrwai, ba ka Shillong, ka sa hap lang ha ka Hill State.
U bah Bremley,u iathuh ruh ba ki samla Khasi, ki ia beh kam beh jam ha kine ki sngi shabar jong ka Jylla bad wat shabar jong ka Ri, kum sha Bilat, America bad u ong “Kat shaba leit ki phyrnai kum ki khlur, namar ki hap durut, hap trei shitom ban im” bad u ong biang “Hynrei ynda wan phai, ki long biang kumba shah tan shapoh. Lah ban dei shah tan khiew ja, ki dim noh ka light khyndiat”. [na bynta ka jingiakren ba kham bniah, sngewbha peit ha ka youtube jong u rupang.com]
Hooid, nga don eiei ban ong. U Rupang u donkam da u ba nang ban thoh khasi ban thoh ïa ki khubor. Haba nga pule ïa kane ka khubor nga lap tang da ki jingbakla suda ha ka jingthoh khasi jongphi..kana kham kongsan ka long ba phim pyndonkam u dak thok ” ï ” bad u ” ñ “, nangta don ki kyntien ba hap ban long tang ka wei ka kyntien hynrei phi phiah ar kyntien…nuksa jingdawa ym dei jing dawa, pynkynmaw ymdei pyn kynmaw …kine ki kyntien jing, pyn kim lah ban ïeng marwei ha ka ktien khasi. Ka dei ka khubor khasi tangba i kumba ym nang khasi..