60 hajar ngut ki shipai ka China, ki don ha khappud ka India, ong U Secretary bar ri ka US

U Secretery of State ka United States, U Mike Pompeo, u iathuh ba ka China, ka buh shipai haduh 60 hajar ngut ha khappud bad ka India bad u iathuh ba ka India, ka donkam eh namarkata ia ka United States, ha ka jing iakhun ia ka China, ha kane ka por.

Ha ka jingialang jong ki kynhun ri bapher lane ki Quad, U Pompeo, u kren ha ka jing ia kynduh ki myntri bar ri kiba na US, India, Australia bad Japan, haba ki ia kynduh ha Tokyo, ha ka sngi hat majai ba ladep.

Mar ia wan phai sha America, U Pompeo, u ai ia ka jingkren kaba shai bha, halor katei ka jingleh thombor jong ka China.

U Pompeo, u ong ha ka jingiakren bad ka Fox News “Nga la ia kynduh bad ki para myntri bar ri, kiba na India, Australia bad Japan, kiba dei ki ri synshar paidbah kiba khlain bor shibun eh bad kitei ki dei kiba don ia ka jingma kaba khraw na ka jingthombor ka Chinese Communist Party”.

“Baroh ki la iohi dalade hi, lada ka dei ka India lane kiwei pat ki Ri, hynrei ki shipai china, ki don ha ki bynta jong u lum Himalaya, kaba don shatei jong ka India bad ki la lum ia bun bah ki shipai, shatei jong ka India” ong U Secretary bar ri ka US.