La khang ban pynlong ia ki strike ha East Jaintia Hills

Jowai:U District Magistrate ka East Jaintia Hills u la pynmih ia ka hukum myn hynnin ka sngi ban khang pyrshah ia kino kino ki jingpyn long ia ki strike ha kaba iadei bad ki marbam mardih bad kiwei kiwei kiba don kam na ka bynta u paidbah kum kane ka por ba hiran ka pyrthei na ka daw ka jing lynshop u Khniang jingpang Covid-19.

Kane ka jing khang lad ban pynlong ia ki strike ka long na ka bynta ba ki paidbah kin ioh ia ki lad jingiarap ha kano kano ka por ba ki donkam kyrkieh bad kane ka hukum na ka liang u District Magistrate u la pyntip ba kan bteng ban treikam tad haduh 6 bnai kynthih.