127 ngut kiba ioh pang covid mynta ka sngi, bun tam ha East Khasi Hills

Shillong: Kiba ioh pang covid 19 mynta ka sngi, ki long 127 ngut bad na kitei ki kynthup ia 95 ngut ha East Khasi Hills bad na kitei ki don 94 ngut ki riew paidbah, kiba ioh ia katei ka khlam covid 19.

Ka West Garo hills, ka don 13 ngut bad kitei ki dei ki riew paidbah suda.

Kiba jem mynta ka sngi, ki long 71 ngut bad na kitei ki kynthup ia 29 ngut ki riew paidbah na East Khasi Hills, 25 ngut ki riew paidbah na West Garo Hills.

U don uwei uba iap mynta ka sngi na East Khasi Hills, ong ka khubor na ka ophis U Director of Health Services (DHS MI).

Baroh kiba dang don ia katei ka jingpang, haduh mynta ka sngi, ki long 2424 bad kiba la jem ki long 4,903 bad kiba dang don ha katei ka jingpang ha East Khasi Hills, ki long 1729 bad na kitei ki kynthup ia 1696 ngut ki riew paidbah.