Nongpoh: Tang mar ia ioh khubor halor ka jinghiar ki kynhun sengbhalang ban leit buh khyrdop talasi mynder ha Umling, kaba dei ka jaka kaba ka sorkar ka thmu ban tei ia ka Entry Point, ki Magistrate lem bad ki heh Pulit ha Ri Bhoi, ki la hiar kynsan mar mar sha katei ka jaka, na ka bynta ban tehlakam ioh mih kano kano ka jingkulmar ha katei ka jaka.
Ha katei ka sngi, la iohi ba ki la don da ki hajar ngut ki dkhot jong ki saw seng kiba kynthup ia ka KSU, RBYF, HNYF bad FKJGP, ki la shu leit sha katei ka jaka, kaba dei ruh ka jaka kaba ka sorkar ka la thmu ban tei ia ka Entry Point, ha kaba ki la shu leit ban ialum bun briew ha katei ka jaka, ha ryngkat ka kynja baner kaba kitei ki saw seng na Ri Lum Khasi bad Lai na Ri Lum Garo, ki iai dawa na ka sorkar ba ka dei ban pynkloi ha ka ban pyntrei steet noh ia katei ka jaka talasi briew nabar.
Ka jingshisha ha ka long ba mynta ka sngi, kitei ki saw seng kim shym la leit ban shna khyrdop, hynrei ki la shu leit ban wah da kawei ka kynja banner kaba ‘Welcome to Meghalaya (The Land abode of clouds) Facilitation Centre Under Meghalaya Residents Safety & Security Act 2016’.
Lyngba katei ka sngi kaba kitei ki nongialam sengbhalang ki la hiar sha katei ka jaka bad iatyngkhuh bad ki bor distrik ka Ri Bhoi, kam shym la don kano kano ka huri hura ne ka jingiapyni bor, namar kitei ki bor Distrik bad ki heh nongialam saw seng ki sngewthuh ba ym donkam ban iakren para maki, namar ka dei ka kam kaba ka sorkar kan hap ban shim ia ka jingkitkhlieh.
Phi don ban ong eiei?