Babu Kular Khongjirem
Ka jingbate ryntih(weightage of marks) ia ka subject Social Sciences(kaba kynthup ia ka History,Civics, Geography bad Economics) jong ki khynnah ha class X kam long satia kaba ia biang dor hynrei ka noh shiliang hapdeng kitei ki subject.
Katkum ka syllabus ba la pynkhreh da la NERT,Education Department,ki marks ba la bate ia kitei ki subject kilong,History=23 marks,Civics =17 marks, Economics =17 marks bad Geography =23 marks.Baroh ki khynnah ha ka SSLC Examination ki dei ban ialeh tang 80 marks namar 20 marks kin ai ki nonghikai na skul kum ki internal marks.
Ki lynnong ha ka History ki don tang 5 lynnong ha ka dor 23 marks.Ka Geography pat ka don haduh 9 lynnong ha ka dor 23 marks hi.Ka Civics ka don 7 lynnong ha ka dor 17 marks katba ka Economics pat ki khynnah kin pule tang 4 lynnong ha kajuh ka dor 17 marks hi.Ki lynnong ha ka Geography ki tam haduh 4 lynnong ia ka History,hynrei ki marks pat ki long mar kat juh,kata,mar 23 marks.Ki lynnong ha ka Civics ruh ki tam 3 lynnong ia ka Economics hynrei ki mark pat mar katjuh,kata,17 marks hi.Ka jingjrong bad jinglyngkot jong ki lynnong kim da ia pher than ha kine ki subject. Ki khynnah ha ka geography kin hap ban pule haduh 9 lynnong ban ioh 23 marks katba ha ka History pat tang 5 lynnong ruh kin ioh 23 marks.Kumjuh ruh,ha ka Civics ki khynnah kin hap ban pule (study) haduh 7 lynnong ban ioh 17 marks katba ka Economics pat kin pule tang 4 lynnong ruh ki la ioh 17 marks hi.
Ka don ka jingnoh shiliang ia ki lynnong ha kine ki subject bad ki marks ba la mang.katkum ki jingbun ki lynnong. Ha ka jingshisha,ka jingbuh dor ia ki marks ka dei ban ia ryngkat ne ia biang(tally) bad ki lynnong ba ki khynnah ki pule.Lada mar 5 lynnong 17 marks,kata kam lei lei ne lada mar 9 lynnong ka kit mar 23 marks,kata ruh kam lei lei.Hynrei,lada pule bun lynnong ha kawei ka subject,ki marks ki ia ryngkat bad ki subject kiba don tang khyndiat lynnong,kata, ka noh shiliang ia ki khynnah ha ka jingpule jongki.Tangba,ha ri jongngi te,ka biang beit.
Ki khynnah bapli kim don lad da kumwei pat hynrei ban shu kohnguh beit ban pule lada bun ne khyndiat ruh kim tip katba bthah ia ki ban pule,kin pule beit.Ki nonghikai ruh,bun ki shu kohnguh beit katba phah ka sorkar.Ki kmie ki kpa jong ki khynnah ruh ki shu ia hun beit katba bthah ki bor pyniaid skul ba la ong ki bor sorkar.Ha ki Central Board,ki lynnong bad ki marks ki da khein thik pa thik ioh ka lah shiliang ka jingbate ia ki marks namar ki bor pyniaid skul bad ki nonghikai lem bad ki kmie ki kpa jong ki khynnah kin nym ai lad satia ban leh kumta ha ki Central Board.Kumno ki bor pyniaid skul bad ki kmie ki kpa ki ia sngew halor kane?Ha ka New Education Policy jong ka sorkar,kum kine ki jingnoh shilliang ki dei ban peit bad pyrkhat bha da ki bor pyniaid ia ki syllabus khnang ban nym ktah ia ki jingpule jong ki khynnah hadien ha bud.
Phi don ban ong eiei?