U Ram Vilas Paswan, myntri ka sorkar India, ula khlad noh mynta ka janmiet, ha ka jingshah sumar ha ka hosptal ha Delhi. Ula don 74 snem ka rta. U Paswan, um shym la don ha ka met kaba koit ba khiah ha ki bun taiew ba ladep. U khun jongu, uba dei u nongialam jong ka seng LJP, U Chirag Paswan, u tweet, “I Pa im don shuh ha kane ka pyrthei, hynrei nga tip, ba kat shaba phi leit, phin iai don hi bad nga. Nga la duh shisha iaphi Papa “Papa is no more in this world, but I know wherever you are, you are always with me. Miss you Papa.”
U Ram Vilas Paswan, u dei u myntri ka tnat Consumer Affairs, Food and Public Distribution.
Ha ka 3tarik Risaw, U Narendra Modi, myntri rangbah duh, U Rajnath Singh, myntri iada ri bad U Amit Shah myntri kam poh iing, ki la kren ia U Chirag Paswan, ban wad jingtip, ia ka koit ka khiah jong u kpa jongu. La iathuh ba U Paswan, u leit shah sumar ia ka jingpang klongsnam bad u dang dei ban leit shah sumar biang ha ki khyndiat taiew ban sa wan.
U Ram Vilas Paswan, u don ha ka politics la san phew snem mynta bad u dei uwei na ki nongialam ba pawbha jong ki jaitbynriew Dalit ha India, haduh ha kine ki sngi.
Phi don ban ong eiei?