Shillong:U Symbud Myntri Rangbah ka Jylla, u Bah Prestone Tynsong, myn hynnin ka sngi u la iathuh ba ka High Level Com mittee(HLC) sa shisien kan sa shong biang ban ia pyrkhat bad ban aiti noh ia ka kaiphod ha kaba iadei bad ka them motor.
U la iathuh ba ha kane ka kaiphod, ka HLC ka don ka jing thmu ban pynkynriah noh ia ki Harijan bad ki briew kiba sah ha them motor(sweeper’s colony) bad yn sa khot noh shen ia ka jing ialang kaba kyrkieh ha kaba iadei bad kane ka mat.
U Bah Prestone Tynsong u la iathuh ba ia ka jingplie noh ia ka surok kaba wan na them Anjalee sha them motor ia kaba la khang mynta ka ar snem tam, yn sa rai hi da ki pulit namar ka HLC kam don bor ban khmih halor kane ka bynta.
“Ia mynta, ka HLC kam don bor ban tuklar ia kano kano ka kam bad kaei kaba ngi leh ka long ba ngin aiti tang ia ka kaiphod jong ka them motor sha ka sorkar, bad ka rai ba khatduh yn sa rai da ka sorkar,” u la ong.
Hadien ba ka HLC ka la thmu ban pynkynriah noh ia ki Harijan na kane ka jaka, hynrei na ka liang ki paidbah kiba shong ba sah ha them motor, ki la pyrshah ia kane bad ki rai ba kin pynlong da ka jingiakhih lada ka sorkar ka pynkynriah ia ki.
Lada ki Harijan ki rai ban ia khih lada pyn kynriah ia ki… Ngi ki seng bhalang ruh pyn khreh lypa ban ia khih lada ka sorkar kam pyn kynriah ia ki.. Ngin pynbna lypa ki jingia khih kiba tyngeh