Ki la don shibun ki met bneng, kiba wan tur shajan ka pyrthei, ha ki khep ba ladep, tangba ki dei kiba rit suda, hynrei lashai ka sngi, u met bneng asteroid, uba ka jingheh jongu, kan long kat ka liengsuin Boeing, u wan rung sha ka orbit ka pyrthei. Na ka liang ka NASA, ka la buddien la katto katne taiew, ia utei u asteroid, uba ka ai kyrteng 2020 RK2.
La iathuh ba utei u met bneng, un ia tyngkhuh bad ka pyrthei ha ka 7tarik Risaw 2020 bad la iathuh ba utei u metbneng, un kham heh ia ka liengsuin Boeing 747.
Na ka liang ki stad peit met bneng, ki iathuh ba ki sdang iohi, ia utei u met bneng ha u bnai ba ladep bad la ong ruh ba utei u metbneng, wat lada un rung ha ka orbit jong ka pyrthei, hynrei, un nym pynthut satia bad kumta, kam don kano kano ka jing donkam ban iada na ka jingshah pynjulor jong ka pyrthei ha utei u asteroid.
La iathuh ba ka jingstet jong utei u asteroid, ka dei ha ka jingstet kaba 6.68 kilometre ha ka shi sekhon bad ka jingstet, ka bym iahap satai ha ka jingkhein jong ka jingstad briew.
Utei u asteroid 2020 RK2, un don ha ka jingheh antad, kaba long 36m sha ka 81 m ka diameter, lane kaba long 118-256 ka jingiar jongu.
La iathuh ba wat la un wan sha ka haw haw jong ka pyrthei, hynrei ki stad peit haw haw, kin nym iohi satia ia utei u metbneng, la iathuh shuh shuh bad utei un iaid ha ka por 1.12 PM jong ka Eastern Standard time (United States) lane 6.12 PM British Summer time.
Ha ka Indian Standard Time (IST) pat?