Khlad sa sawngut na u coronavirus ha ka jylla

Shillong:U Dr. Aman War DHS(MI), u la iathuh ba ki la don sa 4 ngut kiba khlad noh na ka jingpang coronavirus ha ka jylla bad baroh kiba la khladnoh ki la don hduh 58 ngut.

I Kong Newsalin Iawphniaw, 30 snem ka rta iba sah ha Mawsaw kaba hap ha South West Khasi Hills, i la leit thiah pang ha NEIGRIHMS hospital ha ka 2 tarik Risaw 2020 hadien ka jingshitom ha ka plakhun.

Hadien ba i la poi ha kane ka hospital la leh ia ka CBNAAT test bad la shem ba i la ïabit na u khñiang jingpang coronavirus. Ha ka por ba i dang don hapdeng ka jingsumar i la shitom ruh na ka jingpynhiar mynsiem. La rah ia u sha COVID OT ban ioh ia jingsumar kaba paka bad la lah ruh ban sumar ia ka plakhun jong i. Hadien kane la rah noh ia i sha COVID ICU hapdeng ka jingpyn donkam da ki tiar ai mynsiem. I la sangeh syndet ka jingtreikam klong snam ha ka step jong ka 3 tarik Risaw, bad la pynbna ba I la khlad noh ha ka por 7 baje mynstep na ka jingpang cardiac arrest bad ka jingsniew ka plakhun hadien ba I la pun tam bnai ia I khyllung ha kpoh.

I Kali Thapa, 63 snem ka rta I ba sah ha Lapalang I dei iwei na kiba khlad noh na u COVID-19. I la don ah jingshitom na ka high blood pressure badla ialam ia i sha NEIGRIHMS Hoslital ha ka step jong ka 3 tarik Risaw 2020 ha ka por kumba 4:30 mynstep hadien ba i la shitom ban ring mynsiem. La leh test ia i da ka Rapid Antigen test ha Supercare Hospital bad la shem ba i la don ia u khñiang jingpang COVID-19. Hadien ba i la shitom na ka jingduna lyer oxygen ha ka met, i la sangeh treikam u klongsnam bad i la khlad noh ha ka step jong ka 3 tarik Risaw 2020.

I kong Mushi Dkhar, 80 snem ka rta i ba shong ba sah ha Mawbah, i la leit ban sumar ha Woodland Hospital hadien ba i la don ia ka jingpang pynhiar naduh ka 22 tarik Nailur 2020. Hadien ba i la shem shitom ban ring mynsiem, i la sangeh ka jingtreikam u khongsnam ha ka 2 tarik Risaw 2020 bad wat la na ka liang ki bor ka hospital ka leh da ka CPR hynrei kam shym la iarap satia bad i la khlad noh ha ka miet jong ka 2 tarik Risaw 2020 ha ka por kumba 11:10 baje da miet.

U Ellia R Marak, 58 sem ka rta uba na DM Line 95, MES u la leit ban thiah pang ha NEIGRIHMS namar ka jingkhieshit bad ka jingtlot ha ka met ha ka 16 tarik Aughust 2020. La leh ia ka RT-PCR la lap ba u la iabit bad u covid-19.Hadien ba u la shem shitom ha ka jingring mynsiem, u la sangeh treikam u klongsnam wat hapdeng ka jingsumar ki doktor. La pynbna ba u la khlad noh ha ka step jong ka 2 tarik Risaw 2020 ha ka por kumba 2:45 baje mynstep.