Kwah pynkiew kyrdan ki Waheh Shnong, ia ka Dispensary ha Padu

Shillong: Ka Synjuk ki Waheh Shnong War jaintia Amlarem, ka dawa ban pynkiew kyrdan noh ia ka Padu State Dispensary sha ka PHC.

Ha ka jingialang ba la long ha ka 11tarik mynta u bnai ha Padu, baroh ki Waheh shnong jong ki khatwei tylli ki Shnong ba hap ha poh kane ka Dispensary  ki la mynjur lang.

 Ka Synjuk myn hynnin ka sngi, hapoh ka jingialam U Bah Daniel khongsit, President bad U Bah Siangmin Lakuna, Genl Secretary, ki la leit buh da  ka jingthoh sha ka miej u Myntri Rangbah jongka jylla  ban shim khia  ban pynkylla  ne pynkiew kyrdan noh iaka Dispensary Padu sha ka PHC,  namar kane ka jaka ai jingsumar ka la rim bha bad ki don ha duh 11 tylli ki Shnong kiba hap hapoh kane ka Dispensary  bad ka don ruh ha shiliang ka wah Amkshar bad  ki PHC bad CHC ki la jngai na kane ka Dispensary bad kumta ka long kaba shitom bha ia ki nongpang ban leit shah sumar sha kiwei pat ki jaka shah sumar kham tam ki kynthei kiba suh khun bad kiba kha khun .