Naduh 2tarik Risaw, yn iakhih tyngeh ki nongrep ha India

Ka All India Kisan Sangharsh Coordination Committee (AIKSCC), ka pynbna ba kan pynlong ia ka jing iakhih kaba jur bha, naduh ka 2tarik Risaw 2020.

Katei ka seng ki nongrep, ka la rai ban pynlong ia ka 2tarik Risaw 2020, kum ka sngi ‘Kisan-Majdoor Bachao Diwas’ ha kaba yn pynlong dharna ha kylleng ka India.

Ha kawei pat ka khubor, la iathuh ba ki pulit ki la kem ia 5ngut ki dkhot jong ka seng Congress, kiba na Punjab; hadien ba ki leit kit ia ka tractor ha ka trok bad pynhap ha Rajpath, kaba don mar syndah jong ka iing jong U President ka Ri India, ha kaba ki la thang ruh ia katei ka traktor, ha ka por 7 baje mynstep. “Ha ka sngi kha jong u Bhagat Singh, ki samla Congress, ki la la thang ia ka tractor, ban pyrshah ia ka ain pyrshah nongrep jong ka sorkar” ong ka tweet jong ka Indian Youth Congress.