Ka video, ka la mih pyrthei ba U Director General of Police (Prosecution), ula shoh bad lympat jem ia la ka jong ka tnga bad katei ka jingleh jot jongu, ia la ka tnga, ka la mih pyrthei ha ki social media.
Ha ka dur, la iohi ba U Purushottam Sharma, u shoh u dat ia la ka tnga, katba ka tnga jongu pat ka dang ialade, na ka jingshah shoh ha u tnga jongka.
La iathuh ba katei ka jingjia, ka la jia ha ka iing sah jong ka tnga U Purushottam Sharma bad ka daw, ka long hadien ba ka la lap, ba utei u tnga jongka, u don tnga sa kawei pat nalor jongka.
La iohi ha ka video, ba U Purushottam Sharma, u ia tim ia tla bad ka tnga jongu bad hadien kata, u shoh ia ka bad ka kyllon ialade ha madan bad hangta u iai shoh ia ka, katba ka dang ialeh ban pyllait ialade.
La iohi ba ki don sa arngut ki shynrang ha katei ka kamra, kiba dang pyrshang ban pynjem ia katei ka jing ia shoh ki shi tnga bad la iohi ruh ia u ksew jong utei u heh pulit, uba wiar sawa jam bha, na ka daw jong katei ka jing ia shoh u heh pulit bad ka tnga lajong.
La iohsngew ba U Sharma, u sei ia ka kti lajong, kaba la mong namar ba u shah dung da ka tari ha ka tnga jongu, hynrei ka tnga jongu, ka jubab ba ka pynap da ka khanshi ban iada ialade na ka jingshah leh jot ha utei u heh pulit.
Hadien katei ka jingjia, u myntri rangbah ka Madhya Pradesh, U Shivraj Singh Chouhan, ula weng noh ia baroh ki kam jong utei u heh pulit.
La iathuh ba katei ka jing ia shoh ia dat, ka dei hadien ba ka tnga jong U Purushottam Sharma, ka la buddien bha ia ka leit ka wan jong u tnga jongka bad hadien ka jing peit sian kaba la slem, ka leit lap ia u, ba u leit thiah bad kawei ka kynthei bad hangta ka la mih ka jing ia kajia kaba jur bha ha katei ka jaka bad mar kumta U Sharma, ula mih na iing ban leit sha la ing bad hangta u sa shoh jem ia ka tnga trai jongu.
La iathuh ba katei ka dei ka video, kaba la pyllait hi da u khun jong u Sharma, uba dei ialade U Deputy commissioner ka tnat Income Tax Department, ha kaba ula ujor sha u myntri kam poh iing bad dawa ba dei ban pyn saja da kaba tyngeh ia u kpa jongu, uba shait kynthei tasam.
U Sharma, haba kynthoh, halor katei ka jing ujor jong u khun jongu, u u dei ban sngewthuh ba balei ba ka kmie jongu (ka tnga U Sharma), ka la ia shong bad ieid thoin thoin ia u kpa jongu, lah 32 snem kynthih bad lada jia ba ula leh bakla, khlem pep, kan nym treh ban shong slem haduh katta snem.
Rupang nga kwah ba phin advertise lem ba shane sha shnong pashum bad shnong wahkdait lah shi taiew mnta ngim ju ioh netwrk. u wan 20second u jah pat shiteng kynta. kmta beit man ka sngi.. ngi kum ki khynnah pule ngi shem jingeh haka online class jong ngi ngim ju ioh shong online class namar ka jingthok palat kane ka netwrk Jio bad Airtel …te sngewbha advertise lem ba kin iohi kine ki nongshna netwrk kiba dei peit shane thain war Pynursla shapoh.. namar ka jing suki treikam bad ka jing bamsap. balei da sniew shane nongkyndong kim lah ban shna kloi kloi. ki khein sting ia ngi ki nongkyndong imat ki nongkyndong kim bat phone seh kim use simcard seh.. Nakaliang jong ngi ki khynnah pule kiba na Wahkdait bad ha Pashum ngi donkam ba kin shna bha noh kloi kloi iaka network.