Ioh bat ka HYC, ia shi trok ki masi ba thmu kit sha Bangla

Pynursla: Ka HYC Riwar Mihngi Circle ha ka step synnia kata 22 tarik mynta u bnai ka la ioh ban kurup ia ka Truck Kit masi kaba don u Number ML 08B 8614 kaba la niah da u Tongboklang Khongtani (23 snem) uba na ka Shnong Siatbakon.

Ia kane ka truck ba kit bun tylli ki masi la ioh kem da ki Dkhot jong ka seng Hynniewtrep Youths’ Council (HYC) na rum ka Shnong Mawkyrnot bad hadien ka jingtohkit ki dkhot jong ka seng la lap ba kitei ki masi ki dei kiba la thmu ban pynpoi sha Nongshken, kumta ka seng ka la kurup noh ia ka kali kumjuh ia ki masi bad la aiti noh sha ki bor ka ain kata sha Pynursla Police Station ba kin leh ia kaba donkam.

Haba ia kren bad u Secretary ka Seng Bah G Swett u la maham tyngeh ba ha kum kane ka jingpang Covid 19 kan long ka jingma lada don kum kane ka jingpynhiar masi sha bangla.