Ba kyntait 6ngut ki suba, ba don corona ban leit phah test, khang dam ia ka iing ha Rilbong

Shillong: Ka District Magistrate, East Khasi Hills District, Shillong ka ioh jingtip, ba ki don hynriew ngut kiba don ka jingsuba kaba jur, ba ki don ia ka jingpang covid 19 bad kiba dei ruh kiba iajan bha bad kiba la ioh ia katei ka jingpang, hynrei kim shym la treh satia ban leit phah test covid ialade. Kitei ki dei kiba shong ba sah ha Nepali Compound, Rilbong.

Halor katei ka jing bym treh jongki, ban leit test corona bad ka jingma, ba ka jingpang kan lah ban saphred, kumta la pynbna ban khang dam ia ka iing U Santosh Thapa, kaba don ha Nepali Compound, Rilbong, naduh mynta ka sngi, ban khanglad ia ka jing ia rung ia mih ha katei ka iing.