Ba ujor ka KHNAM, ia u bar Jylla, thung director da U Khasi ha ka kompeni

Shillong: Ka KHNAM, ka la ujor pyrshah ia uwei u bar jylla, U Vinu Shishupal Rampal, namar ka jingshim jait khasi jong u bad katba ka council ka dang bishar ia kane ka kam une u bar jylla u pyrshang ban ialam bakla da kaba thung ia U khasi kum U Director jong kane ka company ka jong U.

Ka seng ka la pyntip ia kane sha U CEM lyngba ka jingthoh bad ka seng ka sngewthuh ba kane kadei ka jingleh benami bad ia une u briew dei ban pynshitom katkum ka kyndon kaba 3(2) jong ka Tranding by Non-Tribal Regulation 1954 bad ruh katkum ka section ba 17 jong ka Lineage Act 1997 jong ka Council.

Ka seng ka pynrem ruh ia ki briew kiba pyrshang ban iada bad pynriehtngen ia kum kine ki bar jylla kiba pyrshang ban pynjakhlia ia ka jait ka khong jong ngi bad kiba khaii pateng khlem sheptieng ia ki ain ki kyndon jong ka council.