Khang dam ia ka iing ha Lower Mawprem, na ka khlam covid

Shillong: Na ka jingdon kiba ioh pang covid 19 lane kiba iajan bad kiba ioh pang covid, kumta ban khanglad ia ka jing saphret jong katei ka jingpang, ka District Magistrate, East Khasi Hills District, ka la khang dam ia ka iing jong U bah R. Kharjana, Pdengshnong, Lower Mawprem, naduh mynta ka sngi, haduh ban da pynbeit da kumwei pat.

Ha kawei pat ka khubor, la pyntip, ba la weng noh ia ka jingkhang dam ia ka iing jong U S Roy, uba dei u nongshong kai, uba sah ha iing ka kong B Nongkhlaw, Howel Road Laban, ka iing ka kong P Lyngdoh, kaba shongwai ha iing ka kong S Khongjee, Anand Bhavan, Howell Road Laban, nangta ka iing jong ka Roma Devkota, Pooja Thapa, ka Sushila Gewali ha Nepali Compound, Riblong bad ka iing ka Pronoti Choudhary, U Chinmoy Paul ha Rilbong, kaba don hajan Beat House, naduh mynta ka sngi hi.