Bthah U DMHO ban thung biang ia ka Nongtrei ASHA ha Nongsier Jirang

Nongpoh: Ka ophis u District Medical Health Officer, ka la bthah ia ka Medical Officer ba dei peit ia ka jaka sumar hapoh Jirang, ba u dei ban leit kynduh ia ki nongialam ka Dorbar Shnong Nongsier ha Jirang, na ka bynta ban bthah ia kitei ki nong ialam shnong ba ki dei ban thungkam biang Kong Imshida Thang khiew kum ka nongtrei ASHA ba pura hapoh katei ka shnong.

Lah ruh ban kdew hangne, ba dang ha kine ki sngi ba la dep, ki dkhot ka Meghalaya Legislative Assembly Committee on Women Empowerment, ki la hiar sha Ri Bhoi, na ka bynta ban pynlong ia ka jingtohkit bha halor katei ka jingshah wengkam ka ASHA ha ki nongialam shnong Nongsier bad lyngba katei ka jinghiar jong ki sha Ri Bhoi, ki la kyntu ia u DMHO bad Deputy Commissioner ka Ri Bhoi, ba ki dei ban thungkam noh ia katei ka Nongtrei ASHA, kaba la shah behkam namar, ba ka la leit ban iarap ia kawei ka Lanot shah Lehbeijot haduh ban da armet.