Mar ia jop elekshon, khlad noh U MP ka seng BJP

U MP jong ka seng BJP, uba dang shu jop ia ka elekshon Rajya Sabbha na Karnataka, ha U Jylliew ba ladep, ula iap noh mynta ka sngi.

U Ashok Gasti, uba dei u dkhot na Rajya Sabbha, ula iap na ka khlam covid 19 ha Bengaluru. Kaba sngew lyngngoh, ka long ba ka BJP ha Delhi, ka la iathuh ba ula iap, katba ka hospital, kaba u shah sumar, ka iathuh, ba u dang don ha ka jingshitom kaba jur bha.

U Gasti, ula shah jied ha U Jylliew mynta u snem, hynrei, ula iap noh.

Ha kawei pat ka khubor, U Prahlada Singh Patel, myntri khynnah ka sorkar India, uba dei peit ia ka tnat Culture and Tourism, ula ioh ia ka jingpang khlam corona virus bad ula pyntip ia kito kiba la ia kynduh ia u, ba kin husiar bha ialade.