Ka jinglong ka sain hima sima ha Meghalaya, nangne shakhmat

Babu Kular Khongjirem

Kano kano ka jinglong ka sain hima sima(political situation) kam ju neh ne sah hajuh hynrei ka kylla stet katkum ka jingtyllun ka por. Ha Meghalaya ruh,imat, nangne shakhmat, ka sain hima sima(political situation) kan sa kylla dur noh da kumwei pat.

Lah ban iohi ia kane tang shwa ban poi u snem 2023 namar,dei ha une u snem ba ka MLA election kan long biang ha Meghalaya ban jied thymmai ia ki nongmih khmat paidbah kiban mihkhmat na ki constituency bapher bapher jong ka jylla Meghalaya. Ki political party kiba kham kongsan ha Meghalaya kiba don MLA kumba long mynta ki long,ka NPP,ka UDP,ka HSPDP,ka PDF,ka KHNAM,ka NCP,ka Congress, ka BJP,nalor ki Independent.Kiba kham bun eh ki MLA kilong,ka NPP,ka Congress,UDP,PDF bad HSPDP bad BJP nalor kiwei pat.Hynrei,ka jing don jong kine ki MLA ha kine ki party kin sa kylla noh hadien u snem 2023.

Ka Congress kaba dei ka party kaba khlain eh bad heh paid naduh ki por ba mynshwa ha Meghalaya ka lah ban sa kylla noh hadien ba ka la troin noh na metbah Delhi.Ka NPP kaba khlain kynsan ha u snem 2018 (na ki 2 ngut ki MLA ha u snem 2013 sha ka 20 ngut ha u snem 2018) ka lah ban kham hiar noh namar ka jinglong nongialam jong ka ia kane ka sorkar MDA(anti-incumbency) ba mynta.Ka jingmih ne thaw party thymmai ha Garo Hills ruh kan pynduh mynsiem ia kane ka party.

Ka UDP pat kum ka party riewlum ba heh tam ha Meghalaya kam da don thymmei(no base) eh sha Garo Hills.Ha Khasi Jaintia te,ka jingiakhun ka bym lah batai satia.Ka BJP kan kham kiew ha ka kyrteng u Modi khamtam sha Garo Hills bad katto katne ki jaka ka Khasi Jaintia Hills.Ka HSPDP kan nym kiew ne hiar eh,hynrei malu mala kin jop hi iwei ar kum ki riew shi met .Ka PDF kan hap trei tyngeh ban organise ne pynkhlain ia lade lada ka kwah ban jop kham bun lym kumta ka lah ban nang hiar pynban na kaba la ioh mynshwa.Ka KHNAM bad NCP ruh kan hap ban saindur bha lada ka kwah ban ioh kham bun ki MLA .

Hynrei ka jingkylla kaba khraw eh ka sain hima sima kan long ka jingryngkang dieng kper ne phet seng kine ki sitting MLA kiba mynta.Kin don kine ki MLA kiba mynta ki ban ryngkang ryngkoh noh sha kiwei kiwei ki party kat kum ka jingkhein bad sngewbit jongki(own political calculation).Don kiban dang jop biang,don pat kiban shah rem noh. Ka jinglong kane ka pyrthei ba la shah ktah palat ha une u khniang Corona ne Covid-19 kan pynkylla dur bak-ly-bak ia ka jingmut jing pyrkhat(mind set)jong ki paidbah(voters) bad kan ktah lang solonsar ia ka pyrthei politic ha Meghalaya ha ka MLA election kaban long ha u snem 2023.