Ujor ka KSU, ba thung nar ilektrik bad ka surok sha Khanduli

Jowai: Ka Khasi Students Union(KSU) Jaintia Hills District Unit bad ka KSU Nartiang Unit ha ryngkat bad ka KSU Namdong Unit mynta ka sngi ka la leit ban ïa kynduh markhmat bad u Garod L S N Dykes(IAS) Deputy commissioner West Jaintia Hills District Jowai ban pynsngew ha u ia ka jingeh jong ki paitbah ka thaiň khappud ha ka Shnong Khanduli, ha ka jingiadei bad ka jingkyntur pud bad wan thung ne sieh klumar ia ki nar ilektrik, khlem da iaid kat kum ki kyndon jong ka Ain; nangta la iakren ruh ia ka jingeh jong ki paitbah ha ki bynta jong ka thaiñ Nartiang hi baroh kawei ha ka jingiadei bad u surok Nartiang shaduh Khanduli.

Ia kane ka jing leit ïa kynduh na ka liang ka District Unit la ialam da u President u Samla Rangbah Ohibait Dkhar bad u Asst Finance Secretary Samla Rangbah Shaniah S.Dkhar bad na ka liang ka Nartiang Unit lawan ban mih khmat da u President u Samla Rangbah Banjop Raliang, kumjuh na ka liang jong ka Namdong Unit lawan mih khmat da u President jong ka u Samla Rangbah Shanbor War.

Ka seng ka la ia kren sani bha bad u tei u khlieh jong ka District Administration bad la dawa ba kum ka District ka dei ban tuklar mardor khnang ba kiba sah sha ki thain khappud kin long kiba shngain.