Ba ioh COVID-19 u Doktor 3 sngi yn khang ia ka Patharkhmah CHC

Nongpoh: Hadien ba uwei u Doktor uba trei hapoh ka Patharkhmah CHC, u la ioh ia ka khlam COVID-19, ia mynta la pynbna paidbah ba yn khang shipor ia katei ka CHC, ka ban sa sdang ha ka 12 bad kan kut ha ka 14 tarik mynta hi u Bnai.

Ka nongrim kaba la pynlong ia katei jaka sumar ban khang shipor, ka long ban Sanitize ne pynkhuid ia katei ka CHC bad ha kajuh ruh ka por ban wad ia kito ki briew, kiba la leit ban kynduh markhmat bad utei u Doktor uba trei ha katei ka CHC, kaba long ruh kum shibynta ban iada na ka jingsaphriang ka khlam COVID-19.

Katei ka jaka sumar kan khang ruh shipor ia ki OPD bad ia ki Emergency Services, kaba mut ba ki briew kim lah ban leit sha katei ka jaka, tad haduh ban da pynbna da kumwei pat.