Hapdeng 3 sngi, don 110 ngut ki nongtrei ka Star Cement, kiba ioh covid

Shillong: U Dr Aman War, u iathuh ba hadien ka jingtest Covid positive jong ki nongtrei ha Star Cement Factory kaba don ha Lumshnong East Jaintia Hills District; na ka liang u Director ka tnad ka koit ka khiah u Dr Aman War u la bthah ia ki bor District ban khang noh ia kane ka karkhana pynmih dewbilat.

Tang hapdeng 3 sngi ka jingpynlong ia ka jingtest naphang ha Star Cement Factory, ki don haduh 110 ngut ki nongtrei jong ka long Covid Positive, ha ka 9 tarik u Nailur 2020, haduh 59 ngut ki nongtrei jong kane ka karkhana la lap ba ki long Covid positive ha ka 10 tarik u Nailur 2020 ki don 26 ngut ki nongtrei ki long Covid Positive bad ha ka 11tarik u Nailur 2020 la lap ba 27 ngut ki nongtrei ki long Covid Positive.

Na ka liang u Dr Aman War, u la ong ba hadien ka jingioh Covid ki nongtrei ha kato ka jaka la dei ban khang noh ia ka ne ka karkhana pynmih dewbilat bad ka bor District kan sa leh ia ka ba donkam.