Khlad sa iwei iba pang COVID-19 ha ka jylla, kiew kiba khlad sha ka 20 ngut

Shillong: Mynta ka sngi, I la don sa iwei iba la khlad noh na u khñiang jingpang COVID-19 ha ka jylla ha kaba baroh kiba khlad noh na u COVID-19 ki la long haduh 20 ngut.

Ka Swatika Paul, 38 snem ka rta kadei kaba na Laban ka la khlad noh ha shuwa ban poi ha Nazareth Hospital hynne ka step ka por kumba 6:35 baje mynstep. Ia ka daw ka jingiap jong I la iathuh ba I la don ka jingpang shini bad hypertention. I la shitom ha ïing la 2 lane 3 sngi bad I la khlad noh ha ka step jong ka 10 tarik shuwa ban poi ha Nazareth Hospital. Hadien ba la shem ba I la khlad noh, la shim ia ka sample jong I, la shem ba I don ia u khñiang jingpang COVID-19