Nongpoh: La ioh jingtip ba ka kaiphod (Report) jong u Bah Sosthenes Sohtun, MLA Jirang, ym pat ioh haduh mynta ka janmiet, kata hadien lai sngi ba u la leit ban shah Test COVID-19 ialade hapoh ka Screening Centre for COVID-19 kaba don ha Lum Nongthymmai Byrnihat, Ri Bhoi, ia kaba u la shah test ialade lyngba ka RTPCR Test.
U Bah Sosthenes Sohtun, uba la leit ban shah Test ialade hapoh katei ka Screening Centre kaba don ha Byrnihat mynha ka sngi U Blei, kata ha ma 6 tarik, hynrei kat haduh mynta um pat ioh ia ka Kaiphod halor katei ka jingleit shah Test jong u bad kat haduh mynta ym pat tip la katei ka Kaiphod kan pyni ba utei u MLA u la shah ktah ne em ha ka khlam COVID-19.
Lah ruh ban kdew hangne, ba ha katei ka sngi kaba utei u Nongmihkhamt ka Jirang Constituency, u la leit ban shah test ialade, ka long ba un pynthikna ialade la u la shah ktah ne em ha ka khlam COVID-19, namar u dei u Nongmihkham uba pdiang sngewbha haba ki briew ki kwah ban kynduh ia u bad khamtam eh ba u dei u Nongmihkhmat na ka thain kaba iajan eh bad ka Assam.
Dang ha ka sngi U Blei, utei u Nongmihkhmat ka Jirang, u la iathuh ba ka Kaiphod jong katei ka jingleit shah test jong u kan sa mih hadien arsngi bad ka ban sa pynpaw ba u MLA Jirang, hynrei haduh ba thoh ia kane ka khubor, la ioh jingtip ba utei u MLA Jirang um pat ioh ia ka kaiphod.
Phi bakla ban thoh ka screening test address .. kam dei re lum Nongthymmai hynrei ka dei lum nongrim