Kiew kiba pang COVID-19 mynta ka sngi sha ka 42 ngut, jem kumba 156 ngut

Shillong: U myntri ba dei peit ia ka tnad ka koit ka khiah, u Bah A.L Hek u la iathuh ba kiba ioh thymmai ia u khñiang jingpang coronavirus ha ka jylla ki la don haduh 29 ngut.

Ha East Khasi Hills District ki don 25 ngut kiba ioh thymmai ia une u khñiang jingpang bad na kine 5 ngut kidei ki armed forces bad 20 ngut ki riewpaidbah, ha Ri Bhoi District don tang iwei iba dei na ka armed forces, ha South West Garo hills ki don 3 ngut, ha West Garo Hills ki don 13 ngut ha kaba 2 ngut kidei ki armed forces bad 11 ngut ki riewpaidbah.

Kiba la jem na u khñiang jingpang coronavirus mynta ka sngi ki la don 156 ngut. Na kine 53 ngut ki dei na East Khasi Hills, 3 kidei na Ri-Bhoi, na East Garo Hills ki don 73 ngut, na West Jaintia Hills idon tang iwei bad na West Garo Hills ki don 26 ngut.