Shillong: Ka Sorkar jylla Meghalaya mynta ka sngi ka la pynlong ia ka jingialang bad ki kynhun jong ki nongialam niam bapher bapher hapoh ka shatri jong ka Shillong All Faith Furom, ha kaba ki la rai ba lada ka jinglong jngman jong ka jylla ka la kham bha ha ka ba ia dei bad ka khlam COVID -19 yn plie noh ia ki ingmane naduh u taïew u ba nyngkong jong u bnai Risaw.
Haba ia kren bad ki lad pathai khubor na ka liang jong u Symbud myntri rangbah ka jylla u bah Prestone Tynsong u la iathuh ba bun na ki nongialam niam bapher bapher ki la pynpaw sha ka sorkar jylla ba lada ki jinglong jingman ka la long ka ba bha ha ka ba iadei bad ka khlam COVID -19 yn sa plie noh ia ki jaka name Blei ha u taïew ba nyngkong jong u bnai Risaw.
U bah Prestone u la iathuh ruh ba mynta ka sngi la shim ia ka rai ban thaw ia kawei ka Sub- Committee ka ban ia lam da u Chief Secretary jong ka Sorkar jylla ha ryngkat ki katto katne ki dkhot jong ka Furom.
U bah Prestone u la iathuh ba ka jingthaw jong ka ne ka Sub-Committee ka long ban phai bad ban pynbeit ia ki kyndon ba la pynmih da ka Ministry of Home Affair ha ka ba iadei bad ka jingplie jong ki jaka mane Blei ha ka jylla.
U bah Prestone u la ong ruh ba ka jingdonkam ban phai biang sha ki kyndon ki ba la pynmih da ka Ministry of Home Affair ka long ba don na ki kyndon ki ba dang donkam ia ki jing pynbeit kum kawei na ki kyndon ka long ban shah tang 100 ngut ki briew sha ki jaka mane Blei.
U bah Prestone u la ong “Ha jylla jong ngi ki bun na ki ing mane ki long ki ba heh bad ki ba lah ban pynbeit ia ki briew ki ba wan palat ia ki 100 ngut, dei na ka ne ka daw ba dang donkam ban phaidien bad pynbeit biang ia kyndon ba la pynmih da ka Ministry of Home Affair”.
Phi don ban ong eiei?