Ka ring um bad ka rep ka riang ha Meghalaya bad Jaintia Hills

U Bah Philip Marweiñ
Sngewsih ba ki paidbah bad ki bor sorkar jong ka Meghalaya, naduh ba la ïoh ïa ka jylla bapura ha ka snem 1972 haduh mynta (la 42 snem kyn thih), kim pat peiphang ba ka im ka ïap jong ka jylla ka shong ha ka jing shngaiñ jong ka bam ka sa (food security) na lade. Kane ka mut ba ka jing pynmih ïa ka bam ka sa na ki shnong ki thaw, na ki pyntha ki madan, ki lum ki them, ki ranab bad ki riat ki ram ruh – ka dei ban pura bad pahuh ruh na lade. Ka jylla ka dei tang ka nongkhrong lada kam lah ban pynmih ïa la ka bam ka sa, kan ïap-thngan lada ym poi bam wat tang shi taïew ruh nabar. Hangno ka jingsngaiñ?
Kane ka mut ban pynmih ïa ka bam ka sa, la donkam ïa ki nong pynmih bam lane ki nongrep – ki nongrep ki ba smat ba sting, ki ba don jingtip bad ki buit ki sap katkum ka jingïaid ka por, ki ba don ka seng ka dang, ki ba don ka khyndew ka shyiap ban rep, ki ba tip ïa ki lad ki lynti katkum ka juk ban pynkhlaiñ ïa ka rep ka riang bad ban tip ki lad kumno ban pynïaid ïew ïa ki mar rep. Ka sorkar kan shu long tang ka nong kyrshan, nongplie lynti lem bad ka nongpynshlur nongaibuit ai mynsiem ïa ki nongrep.
Halor kane ka bynta, ka long ka ba kthang ban tip ba kumba 70 % na ki Nongrep[bteng sla 3]