Tulop T.2lak shibnai, kamai T.45hajar shisnem, ka pung ri dohkha Sorkar

Shillong, 14 Nohprah:
Ka tnad Fishery jong ka East Khasi Hills ka kamai T. 89010 ha ka ar snem na ka pung ri dohkha kaba don na Fish Dale Farm kaba don ha Shillong.
Kane ka jingkamai ka dei ka jingdie ia ki sym bai dohkha jong u snem 2013-14 bad 2014-15.
Katkum ka jingtip ba la ioh na ka ain wad jingtip na ka ophis jong u
Superintendent Fisheries ka East Khasi Hills, la pyni ba u snem 2013-14 ka kamai T. 45,150 bad T. 43,860 ha u snem 2014-15.
La pyni ba ha ki don 2 tylli ki pung ri dohkha, kawei ka pung ri dohkha symbai bad saw tylli kiba dei tang ki jaka ri dohkha symbai.
Ka ophis ka la pyni ruh ba ka jingshna ban pynbha bad kiwei ki jinglut na ka bynta kane ka pung, ka long T. 4.48 lak ha u snem 2012-13 kaba dang iaid mynta na ka skhim NFDB bad T.49,923 ha u snem 2013- bad 2014-15.
Ha kane ka pung, la don 10 ngut ki nongpeit kynthup uwei u Fishery Officer bym pat don, Fishery Supervisor uba ioh shi bnai T.36925, Fishery Demonstrator T. T. 18,789, 5 ngut ki Fishermen ba ioh (1) T.29560, (2) T.21339, (3) T. 21339, (4) T.17402 bad (5) T.14586 bad 2 ngut ki mali ba ioh tulop T. 28745 bad (2) T.14913 shi bnai.
Ka tulop baroh jong ki nongtrei ha ka shi bnai ka la kot sha ka jinglut kaba T. 2,03,598 lak.