Pynkynriah ia ka prokram Teachers’ Day sha Shillong Public School, la shah ban plie ki dukan sha ha ki surok bah

Shillong: U symbud myntri rangbah ka jylla, u Bah Prestone Tynsong, u la iathuh ba kumba long man la u snem ba ju rakhe ia ka sngi burom ki nonghikai, mynta u snem ruh ka sorkar jylla ha ryngkat bad ka Education Department kan pynlong ia ka prokram ia ki nonghikai kiba dei ban leit.

U la iathuh ruh ba ha u snem ba ladep la rai ban pynlong ia kane ka prokram ha Yojana Auditorium kaba don ha Secretariat, hynrei namar ba don noh ki positive case, la rah noh ia kane ka prokram sha Shillong Public School, Laitumkhrah.

Ha kajuh ka por u Bah Prestone u la iathuh ba ia ki dukan die sha die ja ha shilynter ki surok National Highway la shah ba kin plie noh biang.
U la iathuh ba ia kine ki dukan la shah ban plie hynrei ki hap dei ban iaid ryngkat bad ka jingbthah ka sorkar bad ban bud ia ki protocol jong ka sorkar kmie bad ia kane ka kam yn sa khmih ryngkat bad ka health department jong ka jylla.