Sa 83 hajar ngut, kiba ioh pang khlam corona ha India

Ki don sa 83,000 ngut kiba ioh pang khlam corona ha India, ha ki 24 kynta ba ladep, katba kum ka kyrwoh jong ka health ministry ka sorkar India. Ki don 83,341 kiba ioh ia katei ka jingpang bad kiba iap, ki long 1,096 ngut.

Kiba ioh pang corona, haduh mynta ha India, ki la poi sha ka 39.3 lak bad kiba iap, ki long 68,472ngut bad ka India, ka don mynta ha ka kyrdan kaba lai, ha ka jingdon kiba ioh pang corona ha ka pyrthei.

Kiba dang don ia katei ka jingpang, haduh mynta, ki long 8,31,124 ngut lane kaba long 21.11 percent na baroh kiba la ioh ia katei ka jingpang ha ka Ri India.