Na ka covid 19, khang ki bor District ia bun tylli ki iing

Shillong: Namar ka jingdon kiba ioh pang covid 19 lane kiba don jing iajan bad kitei kiba ioh pang covid 19, kumta ka District Magistrate, East Khasi Hills, ka la rai ban khang dam ia ka mala ba nyngkong jong ka ka kong Shanta Uriah ha Streamlet Road, Laban, ka iing jong U bah B. Nongrum ha Lumdiengsoh (Motinagar), ka iing U Ashish Dhar ha Upper Jail Road (next to Gini’s complex), ka phyllaw jong U Swapan Deb bad ka Ruma Deb ha Upper Jail Road (near Puja Mandap) bad katei ka trei kam naduh hynnin ka sngi. La khang ban ia rung ia mih ha kitei ki jaka, ba shah khang dam, ong ka kyrwoh sorkar.

Ha kawei pat ka hukum, mynta ka sngi, la iathuh ba naduh hynnin ka sngi, la weng noh ia ka kyndon khangdam ha iing jong U bah B Dohling, ha Mawkhar Main Road, ka iing ka kong B. Dkhar ha Amjad Ali Road, Laban, ka iing ka Sushma Talukdar, Burnside area, kaba hajan Sankardev College Girls Hostel ha Rilbong bad ka Mantra building kaba don ha pyrshah ka Puja Mandap ha Rilbong. Katba ia ka Nepali compound ha Rilbong bad ka iing ka Roma Devkota, Mira Store shaduh sha Umjasai, kan dang hap ha ki kyndon jong ka jingkhang dam.