Khlad noh U Pranab Mukherjee, u don 84 snem ka rta

U Pranab Mukherjee, President barim ka India bad uwei na ki nongialam ba radbah jong ka seng Congress, ula khlad noh mynta ka sngi, hadien ka jingshitom jongu, kaba la neh slem.

U Abhijit, uba dei u khun jong U Pranab Mukherjee, ula thoh ha ka twitter jongu, ha kaba u ong “Da ka mynsiem kaba sngewsih, nga pyntip, ba u kpa jongnga, U Pranab Mukherjee, ula khlad noh mynta ka sngi, wat la ki doktor bad ki nongsumar jong ka RR Hospital, ki la pyrshang kat la ka bor jongki ban sumar ia u. Nga ai khublei arti ar jat ia baroh ki jingduwai bad ki jingsngew lem na ki liang bapher” .

U Pranab Mukherjee, u la don 84 snem ka rta.