Bun ki high risk contact na East Khasi Hills, ki don haduh 36 tylli ki containment area kibym pat pyllait

Shillong: U DHS(MI), Dr Aman War u la iathuh ba la don haduh 43 ngut kiba ioh ia u khñiang jingpang coronavirus ha ka jylla mynta ka sngi saitjaiñ.

Ha East Khasi Hills ki don 26 ngut bad na kine ki 26 ngut, 23 ngut kidei ki high risk contact, 2 ngut ki dei kiba wanphai na shabar bad uwei u dei na armed forces. Ha South Garo Hills ki don 2 ngut ki high risk contact kiba dei na Jadi Bazar, ha West Garo Hills ki don 15 ngut bad na kine, 6 ngut ki dei kiba wanphai na shabar, 1 dei i high risk na Tikrikilla, 1 iba na Phulbari bad 7 ngut ki armed forces.

Ki high risk kiba na South Garo Hills ki dei na Jadi Bazar; na East khasi hills kidei na Barapathar, Police Reserve, Garikhana, Lama Villa , Mawprem, Jhalupara, Nongkseh, Bishnapur, Mawbah, Bus Stand Bazar, Anjalee, Jail road, Iewduh bad Baniun.

Ha kaba iadei bad ki containment area u la iathuh ba naduh ba sdang leh ia ka containment area, ki la don haduh 76 tylli bad ki jaka kiba dang pynlong kum ka containment area haduh mynta ki long 36 tylli.