Naduh ka 1 tarik u Nailur yn plie biang ia lai tylli ki jaka jngohkai paidbah ha ka jylla

Shillong: Ka sorkar jylla ka la rai ban plie biang ia ki lai tylli ki jaka jngohkai pyrthei kiba la khang noh, naduh ba sdang ka khlam coronavirus ha ka kylla.

Haba iakren bad ki pathai khubor, u myntri jong ka koit ka khiah, u Bah Alexander Laloo Hek, u la iathuh ba lai tylli ki jaka shangkai pyngngad jong ka jylla, kata ka Nanpalok, ka Elephant Falls bad ka Nehru Park ha Umiam, kin sa plie biang naduh ka 1 tarik u Nailur 2020.

U la iathuh ba kane ka jaka kan plie kyrpang tang na ka bynta kiba leitkai sngewbha tang na ka jylla, ym ia kiba nabar ka jylla.

U la iathuh ba ia ki COVID-19 protocols dei ban bud bad baroh ki jaka kidei ban khmih bha ba ki paidbah ki bud ia ki hukum ka sorkar.

Ia kane ka rai la shim hadien ka jingiakren bad ka tourism committee ba kane ka jingplie kan long kum ka jingsdang ban peit thuh ia ka long ka man jong ka jingsaphraing u khñiang jingpang.