Khang dam ka DC Shillong, ia bun tylli ki iing sah ka Municipal bad ka iing ha Malki

Shillong: Na ka daw jong ka jingtrei ka pang khlam covid 19, kumta ka District Magistrate, East Khasi Hills, ka la pyn jari da ka jingkhang dam ia ka iing jong U bah Wanlamphrang Kharmujai, Umshyrpi, hajan madan Malki, naduh ka 27tarik Nailar 2020.

Ha kawei pat ka hukum ka District Magistrate, ka la khang dam, ia shibun tylli ki jaka sah ki nongtrei Municipal, ha Bishop Cotton Road bad kitei ki kynthup ia ki Quarter No. A4, Quarter No A5, Quarter No A6, Quarter No A7, Quarter No A8 bad Quarter No A9, naduh ka 27tarik Nailar 2020. Katei ka hukum, ka dei namar ba ki don kiba ioh pang covid lane kiba don jing iajan bad kiba pang covid 19; katba ha kawei pat ka hukum, la pynbna ba la weng noh ia ka jingkhang dam ia ka Musa Compound ha Jhalupara, naduh hynnin hi ka sngi.