Ka Bymjukut: Hangno ngin pyllut ia ka?

AIS SUJA

Ka Bymjukut: hangno ngin pyllut ia ka? Ka bymjukut (eternity) kadei ka jaka ha kaba ymdon jingmut shuh na ka bynta uwei pa kawei shynrang ne kynthei. Ka pyrthei ka don la ka jingkut jong ka kan wan. U Briew u wan bad u leit. Ymdon u ba iai neh hangne bymjukut namar ba ka pyrthei kamdei kata ka bymjukut. Ka bymjukut kadei ka jaka kaba u briew u hap ban leit ha ka wei ka sngi naka ne ka pyrthei bad un ym wan phai shuh. U briew un leit khlem pep sha ka bymjukut. Ka bymjukut kam don dak jingkhein shuh ban khein kan iai long bym-bym-bym-bymjukut.

Don artylli ki jaka ban pyllut ia kata ka bymjukut. Kawei dei ha bneng bymjukut kawei pat ha dujok bymjukut. Kine artylli ki bymjukut kim kut shuh bad kim ju wai shuh. Kumta kat ba u briew u dang im hangne ha pyrthei u hap ban pyrkhat ban jied ia kawei na kine ki bymjukut. Bad ka jingkylli ka long- Hangno ngin pyllut ia ka bymjukut? Ha bneng te don u Blei ki angel bad ki riewkhuid baroh ryngkat bad u Jisu Khrist. Lada ha dujok pat junom bad ki ksuid, u soitan bad ki riew bymman kin lynniar sha ki bymjukut. Kumta ka jingim ha pyrthei ka long ka por ban bet ban ioh ot sha kita kiba bymjukut shuh.

Bun ki briew, kat ba ki dang im hangne ha pyrthei kim ju mutdut bad pyrkhat ia kita ki artylli ki bymjukut. Ki ong, iap, dep. Hynrei ym kumta. U briew umdei u mrad (man is not a social animal) wat la u briew u im ryngkat ha ka imlang sahlang. U briew u pher na u mrad ong ka ktien u Blei. U Briew um iap (man is immortal) hynrei ka iap tang ka met ka mynsiem k aim sha kita ki bymjukut.

Dei na kata ka daw u briew u hap ban pyrkhat arsien. Lada un iap shaei un poi? Hangno un pynlut ia ki bymjukut! Dei na kata ka daw u briew u hap ban jied. Ka ktien u Blei ka ong “To jied phi ha kane ka sngi”. Joshua 24:15. Ka por ia u briew kadei mynta hangne ha pyrthei ban jied noh khlem da buh teng namar ka jingim ka long kaba lyngkot eh. U David u ong- “Ngi pyllut ia ki snem jong ngi tang kum ka jingiathuh khana kai. Ki sngi ki snem jong ngi ki long70 snem, namar ba khlain eh 80 snem,,,. Salm 90:9-10. Ngi iohi shisha kumba ong ka ktien u Blei ba ki rta briew ki long kiba lyngkot eh. Kaba tam na kane yn pyllut sha kita kiba bymjukut shuh (eternity).

Dei na kata kadaw ong ka ktien u Blei- “To hikai iangi ba ngin niew ia ki sngi jongngi kumta ban gin pynioh ha ngi la ka dohnud ka jingstad. Salm 90:12. Ngi dei ban niew ban pyrkhat, ba haduh kano ka rta ngi don ba ngin ioh ban pynkhreh la ka jingim ia kita ki bymjukut, kadaw ka long dei namar ba ka jingim briew ka bymtikna. “Namar u briew um tip kaei ka ban salong, namar uei uba lah ban iathuh ha u kumno kan sa long? Ymdon u briew uba don bor, halor ka mynsiem ban bat ia ka mynsiem”. Eklesiastis 8:6-7.

Kumta kadei ka por ban jied ia ka Bymjukut khlem pynslem “namar u briew ba la kha naka briew u long uba khyndiat ki sngi. U wan mih kum u syntiew, te la ot noh ia u : u phet noh kum ka syrngiew, um neh. Job 14:1-2. Kumta mynta hi ka donkam ia u wei pa kawei ban pyrkhat thymmai noh ia la ka jingim. Ka Bymjukut: Hangno yn pyllut ia ka ha Bneng ne ha Dujok! ?