U dei u langbrot uba rem dor tam ha ka pyrthei bad la die ia utei u langbrot ha ka dor kaba £365,000 (lane 3,56,94,934 ha ka pisa India) ha ka jing ia die khliehdor ha ka sngi palei. Utei u langbrot, u dei uba kyrteng Double Diamond, ha kaba la die sha ki nongri jingri kiba ia khlieh dor ha ka Scottish National Texel ha Lanark.
La die ia U Double Diamond, da uwei na ki nongri jingri, uba la mlien bha ban pynkha ia ki langbrot kiba bha met, U Charlie Boden, ha kaba u ri ia kitei ki jingri ha Stockport, Cheshire.
Ka dor antad jong u langbrot ha UK, ka long £100, hynrei kito kiba la ri bad sumar bha, ki don ia ka dor kaba heh shibun.
Ka jing ia khlieh dor ka sdang na ka £10,500 bad ka nang kiew nang kiew, haduh ba kan da poi sha ka £300,000.
Uwei pat u langbrot, uba wan ba ar ha katei ka jing ia dei, u dei uba la kyrteng U Hexel Django, ha kaba la die ha ka dor £68,000 lane T.77,52,075.00
Phi don ban ong eiei?