Nongpoh: Ka Deputy Commissioner jong ka Ri-Bhoi District, ka la pynbna paidbah, ba ka Godrej Consumer Product Ltd kaba don ha 15Mile Byrnihat, ka la shah pynhap kum ka Micro Containment Zone, kaba la sdang hynnin ka 25 tarik bad kan kut ha ka 28 tarik mynta u Bnai.
Hadien ba katei ka jaka ka la shah pynhap kum ka ka Micro Containment Zone, na ka liang ka DC Ri Bhoi, ka la pynbna ba ia katei ka jaka yn khang shwa shipor bad ym shah iano iano ba kin leit sha katei ka jaka bad kiba don ha katei ka jaka kim lah ban mih shaba, laitnoh tang haba don ki kam ki bym lah kiar, kata lyngba ka jingpan jingbit na ki Bor District ka Ri Bhoi.
Ka DC ka la kyrpad ruh sha ki paidbah, ba ki dei ban bud ryntih ia ki jingbthah ka sorkar ban ieng jngai iwei na iwei, ban deng mask bad ban saitkti man ka barabor, khnang ba yn lah ha ka ban tehlakam na ka jingsaphriang stet ka khlam COVID-19.
Phi don ban ong eiei?