Sa 49ngut kiba ioh pang khlam corona virus ha ka Jylla

Shillong: U Director ka tnad ka koit ka khiah u la iathuh ba mynta ka sngi 49 ngut ki briew kiba la test Covid Positive, na kine 32 ngut ki dei ha East Khsi Hills District ki ba kynthup ia ki 2 ngut ki kynhun shipai bad 30 ngut ki riewpaidbah.

Ha Ribhoi District uwei, ha West Garo Hills District 7 ngut, kiba kynthup ia ki 6 ngut ki kynhun shipai bad uwei u riewpaidbah bad ha East Garo Hills 9 ngut ki riewpaidbah.

Haba batai shai ia ki briew ki ba la test Coviud Positive, u Dr War u la iathuh ba ha East Khasi Hills District 30 ngut ki riewpaidbah kiba la test Covid positive ki kynthup ia ki 23 ngut ki High Risk Contact na Keating Road, Anjalee, Lawsohtun,Lachumiere, Paltan Bazar Laitumkhrah, Nongthymmai,Malki Ground, Judges Guesthouse, Mawbah, Langkyrding Jhalupara, Punjabi Lane, Pynthor Umkhrah.

Uwei u dei u ba ioh lyngba ka jingtest naphang ha Anjalee, 2 ngut ki dei ki Influenza Like Illness bad uwei u dei low risk Contact uwei u dei u ba wan phai na shabar ka jylla uwei dei SARI case bad uwei u dei u nongtrei ha MATI corona Care Center.

Ha Ri Bhoi District uwei u dei u Influenza Like Illness u ba la test ha Byrnihat ha East Garo Hills District 9 ngut kiba kynthup ia ki 8 ngut kiba la ioh lyngba ka jing test naphang ha Rongjeng Bazar uwei u dei ba wan phai na shabar ka jylla. Ha West Garo hills District 7 ngut ki kynthup ia ki 6 ngut ki kynhun shipai bad uwei ha ka jingtest naphang ha Phulbari .

Ka jylla haduh mynta ki briew ki ba don ia kane ka jingpang ki la kot sha ka 1168 ngut, ha East Khasi Hills District 828 ngut, ha Ri Bhoi District 78 ngut, ha West Khasi Hills District 43 ngut, ha West Jaintia Hills District 3 ngut, ha East Jaintia Hills District 12 ngut ha East Garo Hills District 12 ngut, ha West Garo Hills District 172 ngut, ha South Garo Hills District 12 ngut, ha North Garo Hills District 13 ngut bad ha South West Garo Hill District uwei .

Ki briew ki ba la ioh jingkoit pura ki long 874 ngut kynthup ia ki 42 ngut ki ba la koit mynta ka sngi, ki sample ki ba ladep ban phah test ki long 79126 tylli ki ba long negative ki long 76 645 tylli bad ki result ki ba dang ap ki long 431 tylli. Ki briew ki ba la khlad na ka jingpang Covid ki long 8 ngut .