Ki don sa 67,151 ngut kiba ioh pang khlam corona virus, ha India, ha ki 24 kynta ba ladep bad baroh kiba ioh pang, ki la poi mynta sha ka 32 lak ngut ha ka Ri. Kiba iap, ki long 1,059 ngut ha ki 24 kynta ba ladep bad baroh kiba iap, ki la poi sha ka 59,449 ngut. Kiba dang don ha ka jingpang, haduh mynta, ki long 7,07,267ngut.
Kiwei ki khubor corona, ki iathuh ba ha ka nongbah Xinjiang, ka sorkar China, ka shu teh da ki hatkhari ia ki paidbah, ba kin shong khop ha iing, na ka daw, ban iada na ka jingpur jong ka khlam corona virus bad la pynbor, ba kin bam da ki jhur khlaw lane da ki dawai khlaw, ong ka khubor, ba la pynmih da ka Guardian na London. Kitei ki briew, ki shah teh beit ha ki iing jongki, da ki bun bun taiew, khnang ba kin shong khop bad ba kin mih shabar bad ia khleh bad kiwei pat.
Phi don ban ong eiei?