Jan poi 90 hajar ngut kiba ioh pang khlam covid ha Assam

Ka jingpang khlam COVID-19, ka la ktah ia 3310 ngut ki pulit Assam. Na kitei ki don 11 ngut kiba la iap bad sa 2,698 ngut kiba la jem na ka jingpang khlam, katba kum ka khubor na U GP Singh, ADGP (Law & order) ka Assam.

Hynnin ka sngi, ki don 1,560 nut kiba ioh pang covid 19 ha Assam bad baroh kiba ioh pang, ki la poi mynta sha ka 89,468, ong U Himanta Biswa Sarma, myntri ka koit ka khiah ka Assam. Na kitei ki kynthup ia 352 ngut na Kamrup (Metro) district, 137 na Jorhat district, 104 ngut na Kamrup (R) district. Kiba dang shah sumar, haduh mynta, ki long 21,590 bad kiba la jem ki long 67,641ngut ha katei ka Jylla.

Hynnin ka sngi, ki don 7ngut kiba iap na ka khlam covid 19 bad baroh kiba iap, ki la poi sha ka 234 ngut ha katei ka Jylla.