Ka longïing ha Manad ki leit sah hi sha khlaw hadien ba wanphai ka khun na Shillong: Dr. War

Shillong: Hadien ba kawei ka longing jong u Borming Nongbsaw kaba dei na ka shnong Manad, ka la hap sah kyrpang ha khlaw, bad la don ki jingkynthoh na ka liang ki sengbhalang bad ki paidbah, ha kaba la kynnoh ba ka shnong Manad ka iuhroit ia ka hok jong ki; hynrei na ka liang jong u Director of Health Service, u Dr Aman War u la iathuh ba kane ka longing kam dei satia ba shah pynbor ha ka shnong, hynrei ki leit sah hi da lade sha kane ka khlaw ha kaba ha kane ka juh hi ka jaka ki ju leit ban rep ban riang.

Kane ka longing ki la shim ia kane ka rai ba kin sah jngai na ka shnong hadien ba ka khun jong ki ka dang wanphai na Shillong. Kane ruh ka long kum shibynta ba ki paidbah ka shnong kin lait na ka jingshongsyier na u khñiang COVID-19 tangba hadien ba ladep tes ia kane ka iing lashem ba ym don napdeng jong ki ba ioh ia u COVID-19.