Trei ka khlam corona ia ka longkmie, yn khang ia ka Surgery ward ka NEIGHRIMS

Shillong: Ka nongpang, kaba don ia ka jingpang at ha ka shadem jongka, ka la leit shah sumar ialade ha ka General ward jong ka NEIGRIHMS, ha U Naitung ba ladep bad ka dei ban shah sumar ha ka taiew ban wan, hynrei, ka la ioh ia ka jingpang iabit covid 19, ong ka khubor na katei ka hospital, ba la phah mynta ka sngi.

Ki don 19 ngut kiba iajan bad ka, ki don mynta ha ka jingshong kyrpang.

Lyngba katei ka jingjia, ka Department of General Surgery, NEIGRIHMS, kan khang shwa naduh mynta ka sngi bad haduh ban da pynbna da kumwei pat, katba kiwei pat ki jingtrei kam ha ka hospital, kin iaid beit shakhmat, kumba ki ju long.