Sa 55 ngut kiba ioh pang corona virus ha ka Jylla, 31 ngut ha East Khasi Hills

Shillong: Mynta ka sngi, ki don sa 55 ngut kiba ioh pang thymmai, na ka khlam corona virus ha ka Jylla.

Kitei ki kynthup ia 31 ngut ha East Khasi Hills bad kitei ki kynthup ia 2 ngut ki shipai, bad 29 ngut ki riew paidbah.

Ha East Garo Hills,ki don 2 ngut kiba dei riew paidbah bad ha West Garo Hills, ki don  lai ngut bad baroh lai ngut ki dei ki shipai BSF, ha Ri Bhoi District,  uwei  uba dei u  riew paidbah, ha West Jaintia  Hills u don uwei uba dei u riewpaidbah, ha West Khasi Hills ki don 17 ngut bad baroh 17 ngut ki dei ki riewpaidbah.

Kiba la jem na ka jingpang, ki long 14 ngut kata na West Khasi Hills 2 ngut kiba dei ki riewpaidbah,  ha West Garo Hills uwei uba dei u riewpaidbah,  ha Ri Bhoi District 10 ngut kita kynthup ia 9 ngut ki shipai bad uwei u riewpaidbah bad ha West Jaintia Hills uwei uba dei ruh u riewpaidbah.

Kiba dang don ia ka jingpang haduh mynta ha ka Jylla, ki long baroh 966 ngut bad ha East Khasi Hills ki long 602 ngut baroh.