Shah kem ka tnga, u heh duh ISIS

Ka kurim bad u khun jong u snar ehrang ISIS, U Abu Bakr al-Baghdadi, ki la shah kem ha ki shipai jong ka Lebanon, ong ka khubor. La iathuh ba katei ka kurim jong U Baghdadi, ka leit jingleit da ki kot ki sla kiba shu thok bad kumta, ka la shah kem, la shiphew sngi mynshwa. Ka dei kawei na ki tnga jong utei u snar lehnoh, uba dei uwei na ki nongialam ba ha khmat duh jong ka ka seng ehrang ISIS.
La iathuh ba ki shipai jong ka Lebanon, ki la kem ia kawei na ki kurim jong U al Bagh dadi, lem bad u khun jongka, U Arsal, la shiphew sngi mynshwa.
Ki shipai ka Lebanon, kim kwah ban ai ia ka kyrteng jongka, lane ia ka Ri, kaba ka shong ka sah bad kumjuh ia utei u khynnah ruh, uba ka ialam; hynrei la iathuh ba na ka snam, kaba la shim na utei u khynnah, ka pynshisha, ba u dei u khun jong U Baghdadi.