New Delhi: U Gajendra Singh Shekhawat, myntri ka sorkar India, ula thoh ha ka tweet jongu mynta ka sngi, ba ula ioh ia ka khlam corona virus. U Singh (52), u dei u myntri ba hynriew jong ka sorkar India, u ban ioh ia katei ka jingpang ia bit corona.
“Hadien ba nga sngewthuh ia ki katto katne ki dak ki shin, nga la phah test ialade bad ka la shisha, ba ka dei ka jingpang corona. Nga la leit sha hospital, ha ka jingai jingmut ki doktor bad nga ai jingmut ia kito kiba la iakynduh ia nga, ba kin shong kyrpang ialade bad ba kin phah test ialade” ong shuh U Shekhawat. Utei u myntri, un leit sah ha Medanta Hospital ha Gurgaon, hajan Delhi.
Phi don ban ong eiei?