54 song kurup kynja, ka tnad Excise na Khlieh Iewduh

Shillong, 2 Nohprah:
Ka tnad Excise jong u Deputy Commissioner ka East Khasi Hills hynne ka sngi ka la ioh kurup kynja kumba 54 song na Khlieh Iewduh na uwei u briew katba u dang rah ha plastik.
Ia kane ka jingioh kurup la ialam da ka Inspector J CH Sangma hadien ba la ioh jingtip ia ka jingdon jong ki briew kiba pyniaid bad die kynja ha kane ka jaka.
Kat kum ka jing iathuh u Superintendent ka Excise u Bah W Laloo, la ioh kurup ia une u kynja uba wanrah na ka thain Tyrsad ha ka por 11:25 mynstep katba uwei u briew uba la tip kyrteng kum u Bah S Khongsit u dang rah ia une u kynja ban pynpoi sha kawei ka briew kaba pyniaid iew.
Ka dor jong une u kynja, ka long kumba T. 50 shi song rit bad ka jingioh kurup hynne ka long kumba 2 kilo duna eiei.
La iathuh ba ha ka jingshisha, la don lain gut kiba donkti ban leh ia kane ka kam hynrei kynthup ka kynthei hynrei ki la phet krad noh mar ia syniohi ia ki pulit ka Excise.
Hynrei haba iakren bad u Bah S Khongsit u la ong ba u khlem wan rah ia utei u kynja hynrei u shu pynrah ba ong kawei ka longkmie ban pynbuh hynrei ha kane ka por, la shah kem pynban ha ki pulit ka Excise.
U Bah Laloo u la ong ba ia kiba donkti ha kane ka kam, la pynngat ha ka Narcotic Drugs and Psychotropic Substances Act 1985.